HISTORIA KONA BA MUNISIPIU AILEU

HISTORIA AILEU

INTRODUSAUN

Aileu mak sai hanesan rai husar ba munisipiu hotu-hotu iha Timor lorosae. Istoricamente Aileu hatuur aan iha rai klaran iha klean no foho hadulas, ne'ebe popularmente hanaran rai husar.Historia tradisional haktuir ema Aileu ho originalidade no karakter Timor ne'e nonok hodi rona, la buka, prontu simu ema seluk nia idea, maibe iha prinsipiu rasik.

Tradisionalmente beiala sira kaer fatuk lulik no ailulik mak konesidu ho uma lulik HOHULU ho RAIMANSU, maibe antes ida nee ba dala uluk ina ho aman hanan hurai, tamba tuir tempu hurai-taratihi, seloi-hautana, hautbos-dailor iha klean ida hamutuk hodi foti HOHULU ho RAIMANSU sae ba foho-foho leten UDOBAU letebaun hodi lolo liman ba lorosae no loromonu, tsi feto no tasi mane iha TIMOR.

Aileu Hanesan Munisípiu nebe mak famozu ho modo, Quando ema temi Aileu ema sempre hanoin to naran ida " Aileu Modo Metan "

Hanesan situasaun ri'il hodi hatudu ba le'e nain sira atu kuiñese liu tan Distritu ne'e.Hanesan ita hatene Distritu ida mai ho nian istroria,kultura,populasaun, no seluk tan ne'ebé la hanesan.Distritu Aileu ne'ebé ema kuñesidu liu ho naran Aileu Rai kalan ne'ebé riku iha areia agrikultura no buat uniku seluk tan. atu hatene klaru liu tan kona ba istoria,demografia populasaun ka jeografia, no seluk tan hanesan tuir mai ne'e:

Aileu (munisípiu) - Wikipedia

Bandeira Aileu Aileu-Vila

1. Jeografia

Aileu mak municipío ida husi Timor-Leste, nebe’e localiza iha parte sul de capital Timor nian. Município nee halo fronteira ho Município Manatuto (este), Município Ainaro (sul), Município Ermera (oeste) no Município Díli (norte). Município referido iha posto administrativo 4 : Aileu Vila, Liquidoe, Remexio no Laulara nebe’e constitui ho 33 sucos. Demográficamente, Aileu iha total de população hamutuk 54.106 (projeção 2019) no densidade populacional mak 80,03 ba área 676.02 km2. Grupo de população ida nee, koalia lian : Tetun no Mambae.

2. Toponímia

Hanesan mós ho município seluk, Aileu mós iha significado próprio bá naran município nian. Aileu mai husi liafuan tetun, nebe composto husi liafuan rua : Ai+Leu. Tuir história nebe haktuir katak desde tempo uluk, iha hali abut ida nebe mosu laiha hun no sanak, hali abut referido ne nakdulas no iha forma hanesan kadeira ida, tanba nian forma única então conhecido tebes no ikus mai naran nee mak atribui ba município Aileu nian naran no ohin loron sai hanesan simbólo ba município ida nee.

Autoridade Municipal de Aileu | Portal Municipal

Simboliza husi distritu Aileu

3. Istória

Tuir istória, antes Portugues sira estabelece sira nian autoridade iha rai Aileu, iha ona autoridade tradicional nebe ukun.Iha tinan 1698, Governo Portugues introduz sira nia autoridade, liu husi Governador António Coelho Guerreiro no iha loron 20 de Abril de 1859, governador nee rasik estabelece 11 Distritos, Aileu hola parte ba Distrito Dili. Liu tiha Segunda Guerra Mundial, Governador Oscar Ruas muda comando militar nee transforma fali ba Circuscriação Civil, Aileu sei mantem nafatin parte integrante husi Concelho de Díli. Iha tempo ocupação indonésia, Aileu sai hanesan distrito no ikus mai sai hanesan município.

4. Klima

Geralmente, clima iha Município Aileu hanesan ho maioria parte seluk iha Timor-Leste. Clima iha município nee fahe ba epoka rua: bai-loron, nebe hahu husi julho to setembro ho temperatura aas liu 30,36C no mínimo iha setembro 10,75C. Epoka udan, hahu husi Novembro too Junho.

5. Pontu Interese

Pontu interese husi município Aileu mak : Rice Field Seloi, Tiris Waterfall, Lagoa Seloi Kraik, etc.